Þann 15. ágúst sl. voru 50 ár liðin frá því að blóðskilun hófst á Landspítalanum og á Íslandi.
Af því tilefni verður haldið málþing um þjónustu fyrir nýrnasjúklinga föstudaginn 12. október 2018.
Samkvæmi verður um köldið.
Allir velkomnir
Á námskeiðinu verður farið í þætti sem virka við streitutengdum einkennum.
Kenndar verða aðferðir til að dýpka öndun, íhugun (mind fulness) og sjálfsdáleiðslu.
Farið verður yfir mikilvægi innra samtals og hvernig maður styrkir sálfsmynd sína og innsæi.
Góð slökun og öndunaræfingar auka blóðflæði líkamans, bæta svefn, losa um kvíða og þunglyndi og koma í veg fyrir bólgutengd einkenni.
Námskeiðið hefst 24. september og fer fram í Setrinu Hátúni 10 milli kl. 17:30 til 19:00 í fjögur skipti, alltaf á mánudögum.
Skráning fer fram á netfanginu gunnhildur@vinun.is eða hjá félaginu nyra@nyra.is.
Námskeiðið er i boði Félags nýrnasjúkra.
Mig langar til að vekja athygli Félags nýrnasjúkra á könnun sem beinist að meðferð og þjónustu vegna nýrnabilunar á lokastigi í Evrópu.
Markmið könnunarinnar er að draga lærdóm af reynslu sjúklinga við val á meðferðarúrræði við lokastigsnýrnabilun. Æskilegt er að sem flestir íslendingar sem gengist hafa undir meðferð við lokastigsnýrnabilun taki þátt í þessari könnun.
Kær kveðja, Runólfur Pálsson nýrnalæknir.
Meðfylgjandi er linkur inn á könnunina.
Skráðu þig til leiks í Reykjavíkurmaraþoninu og styrktu Félag nýrnasjúkra, félaginu vantar fleiri hlaupara. Ef þú getur ekki hlaupið farðu inn á hlaupastyrkur.is og styrktu félagið með því að heita á þá hlaupara sem hlaupa fyrir félagið. Þinn styrkur er okkar von.
Félag nýrnasjúkra er eitt af góðgerðafélögunum sem hægt er að heita á í gegnum hlaupara sem taka þátt í maraþoninu.
Nú hvetjum við alla sem einhver tengsl eiga við félagið eða nýrnasjúka að láta eitthvað af hendi rakna handa hinum duglegu hlaupurum sem eru að leggja þetta allt á sig fyrir félagið okkar. Félagið er uppfullt af þakklæti til hlauparanna okkar.
Hér getur þú styrkt hlauparana https://www.hlaupastyrkur.is/godgerdafelog/charity/465/felag-nyrnasjukra
Kærar þakkir fyrir stuðninginn.
Frumvarp Silju Daggar Gunnarsdóttur og Willums Þórs Þórssonar, þingmanna Framsóknarflokksins, um ætlað samþykki við brottnámi líffæris látins einstaklings var samþykkt á Alþingi í morgun.
Margoft hefur verið reynt að koma þessu máli í gegnum þingið. Það var samþykkt með 52 atkvæðum. Tveir greiddu ekki atkvæði.
Ætlað samþykkti þýðir að gert verði ráð fyrir að hinn látni hafi verið samþykkur brottnámi líffæris að sér látnum, nema tilefni sé til að ætla annað.
Sumaropnun félagsins hefst í dag, nú verður opið frá klukkan 9 til 12, frá mánudegi til föstudags.
Allir velkomnir.
Ég tók nýlega til starfa sem fjölskyldufræðingur í hlutastarfi fyrir Parkinsonsamtökin, Félag nýrnasjúkra og Lauf.
Til að gefa innsýn inn í starf mitt hef ég tekið saman nokkra punkta við hvaða þætti ég get m.a. aðstoða við.
• Ýmiss réttindamál.
• Koma á stuðningsþjónustu eftir því sem við á.
• Hjálpa til við að lágmarka streituvaldandi þætti í daglegu lífi.
• Veita persónulegan stuðning til að leysa úr málum er hafa með vellíðan og daglega virkni að gera.
• Bjóða upp á samtal við fjölskylduna, hjón, pör og eða einstaklinga.
• Kenna aðferðir og leiðir að takast á við kvíða, streitu, þreytu og svefn vandamál.
Álag getur ýtt undir einkenni sjúkdóma og því mikilvægt að lágmarka streitu valdandi þætti. Hér get ég komið inn í og skoðað með viðkomandi hvað má fara betur.
Reynsla mín er að þegar einstaklingur eða einhver innan fjölskyldunnar greinist með sjúkdóm hefur það áhrif á alla fjölskyldumeðlimi. Það getur því reynst vel, að koma í viðtal, opna fyrir samtalið á milli sín og annarra fjölskyldumeðlima og eða bara á milli sín og ráðgjafa. Samtal getur veitt skýrari mynd af stöðunni fyrir alla og hvernig best er að mæta aðstæðum, styrkja tengsl og ekki sýst hvernig styrkja má sína eigin sjálfsmynd.
Samtal er til alls fyrst og við mig má hafa samband beint á netfangið gunnhildur@vinun.is og eða í viðkomandi félag.
Við bjóðum velkomna til starfa Gunnhildi Heiðu Axelsdóttur, fjölskyldufræðing, sem mun sinna fjölskylduviðtölum og ráðgjöf varðandi réttindamál. Tímapantanir í s. 561 9244 eða á netfanginu nyra@nyra.is. Athugið að um tímabundið verkefni er að ræða, svo að það er um að gera að bregðast fljótt við og panta tíma. Þetta er ókeypis þjónusta fyrir félagsmenn.
Hefur þú þörf fyrir að tala við aðra sem hafa verið í sömu aðstæðum og þú, við útvegum þér stuðningsfulltrúa, hafðu samband í síma 561 9244 eða á nyra@nyra.is.