Reykjavíkurmaraþoni aflýst

Reykjavíkurmaraþonið sem átti að fara fram þann 22. ágúst næstkomandi hefur verið aflýst út af Covid 19 faraldrinum. Nýrnafélagið þakkar öllum þeim fjölmörgu hlaupurum sem voru búnir að skrá sig til þátttöku fyrir félagið og vonar að þráðurinn verði tekinn upp aftur að ári. Þetta er mikið fjárhagslegt högg fyrir Nýrnafélagið eins og önnur góðgerðafélög sem hafa treyst á þessa styrki en eftirfarandi tilkynning var send út þegar hlaupinu var aflýst: ,,Mikilvægur þáttur Reykjavíkurmaraþons Íslandsbanka er Hlaupastyrkur, þar sem þátttakendur safna fyrir góðgerðafélög á Íslandi. Á síðasta ári var sett áheitamet þar sem hlauparar söfnuðu 167.483.404 krónum til 181 góðgerðarfélaga. Það er afar mikilvægt að leitað verði leiða til að halda söfnuninni áfram og minnka skaðann fyrir góðgerðafélögin og verða kynntar hugmyndir þar um á næstu dögum“.

Heilsuhópur í göngu í Laugardal, 28.7.2020

Alltaf bætist við í hópinn hjá Nýrnafélaginu sem kýs að ganga í góða veðrinu og spjalla saman. Frækinn hópur fór í göngu í gær í blíðskaparveðri. Björn einkaþjálfari fræddi um gildi hreyfingar og Gunnhildur fjölskylduráðgjafi talaði um hvað hreyfing hefur mikið að segja fyrir hana sjálfa. Ferfætlingar eru farnir að blanda sér í hópinn við mikinn fögnuð hinna meðlimana. Ekki fer samt sögum af því hvort að þessi hvutti eigi við einhver nýrnavandamál að stríða.

Einkaþjálfari stendur nýrnasjúkum til boða

Björn Þór Sigurbjörnsson einkaþjálfari hjá World Class tekur að sér að leiðbeina nýrnasjúkum með hreyfingu og matarræði. Nýrnafélagið greiðir þriggja vikna kort félaga hjá World Class og félagar fá niðurgreidda ráðgjafatímana hjá Birni. Nú er bara að panta tíma á netfanginu bjorn@likami.is eða hjá félaginu nyra@nyra.is eða í síma 561 9244.

Nýrnajurtin

Gönguhópurinn fann þessa fallegu jurt í Laugardalnum á sinni vikulegu göngu, og fannst við hæfi að setja hana hér inn.

Heilsuhópur Nýrnafélagsins

Lesa meira

Jólafundurinn fellur niður vegna veðurs

 Auglýstur jólafundur Nýrnafélagsins þann 10. desember fellur niður vegna veðurs.

Félagið styrkir blóðskilunar deildina á Akureyri

Nýrnafélagið lætur hluta af afrakstri Maraþonsins 2019 renna til blóðskilunar deildarinnar á Akureyri.
13 aðilar hafa skráð sig í hlaupið sem hlaupa fyrir félagið í ár.
Nú þurfa félagar að taka við sér og styrkja hlauparana okkar.

Nýrnafélagið

Á aðalfundi þann 14. maí síðastliðnn var samþykkt að Félag nýrnasjúkra myndi framvegis heita Nýrnafélagið. Einnig voru allar tillögur stjórnar til lagabreytinga samþykktar.
Ný stjórn var kosin og hana skipa  Helga Jóhanna Hallgrímsdóttir formaður, Signý Sæmundsdóttir varaformaður, Þuríður Þorbjarnardóttir ritari, María Dungal meðstjórnandi og Nanna Baldurstóttir meðstjórnandi.
Varamenn eru þau Margrét Haraldsdóttir  og Magnús Sigurðsson. 

Stuðningshópur fyrir aðstandendur, 6. febrúar

 Gunnhildur Heiða Axelsdóttir, fjölskyldufræðingur Félags nýrnasjúkra leiðir hópinn.
Þetta verður haldið  6. febrúar 2019, kl. 17.00 í Setrinu að Hátúni 10, 105 Reykjavík.
Áhersla verður á að styðja við maka og aðstandendur, gefa ráð og leiðbeiningar.
Fólk fær heimaverkefni til að byggja sig betur upp og hlú að sér. 
Hugmyndin er að byggja upp stuðning við aðstandendur í bland við fræðslu. 

Hvernig hugsum við um okkur sjálf?

Námskeið verður haldið á vegum Félags nýrnasjúkra og ber það yfirskriftina: Sjálfheilun-hvernig hugsum við um okkur sjálf.
Lærum að hlúa að okkur á réttan hátt og efla skilning okkar á eigin þörfum.

Farið verður í æfingar til að losa um tilfinningalega spennu
Öndunaræfingar
Hugleiðsluæfingar (núvitund)
Skapandi hugsýnir (mikilvægt til að stýra líðan sinni og hafa áhrif á heilsuna)
Sjálfsdáleiðsluæfingar
Mataræði

Námskeiðið er byggt á æfingum sem efla tilfinningu fyrir eigið ágæti (eiginleikum) og hvað það er sem við viljum laða fram í fari okkar. Kenndar verða sannreyndar æfingar til að bæta svefn, lágmarka kvíða, streitu og depurð.

Námskeiðið verður annan hvern mánudag í fimm skipti og kostar kr. 5000.
Þátttakendur fá æfingar til að æfa sig heima á milli tíma.
Námskeiðið heldur Gunnhildur Heiða Axelsdóttir, fjölskylduráðgjafi félagsins
Námskeiðið byrjar 28. janúar kl. 14:00 til 15:30.

Skráning á nyra@nyra.is eða gunnhildur@vinun.is eða í síma 561 9244