Málþing á vegum ÖBÍ um sálfræðiþjónustu, þriðjudagurinn 20. apríl, kl. 13-17.

Dagskrá  – birt með fyrirvara um breytingar

13.00 – Velkomin – Þuríður Harpa Sigurðardóttir, formaður ÖBÍ
13.10 – Svandís Svavarsdóttir, heilbrigðisráðherra
13.30 – Kristbjörg Þórisdóttir, sálfræðingur á heilsugæslu höfuðborgarsvæðisins
13.50 – Bergþór Njarðvík, notandi heilbrigðisþjónustu
14.10 – Þorgerður Katrín Gunnarsdóttir, þingmaður Viðreisnar
14.30 – Hlé
15.00 – Tryggvi Guðjón Ingason, formaður Sálfræðingafélags Íslands
15.20 – Emil Thoroddsen formaður málefnahóps ÖBÍ um heilbrigðismál
16.00 – Pallborðsumræður með fulltrúum flokka á Alþingi
16.50 – Samantekt og lokaorð
17.00 – Málþingi slitið

Tákn- og rittúlkun í boði.

Hægt verður að leggja fram spurningar gegnum Slido forritið meðan á málþingi stendur.

Skráning á mottaka@obi.is

Helstu ástæður nýrnabilunar á Íslandi 2020

Teknar hafa verið saman helstu orsakir lokastigsnýrnabilunar á Íslandi á síðasta ári, árið 2020: (ath er ekki alveg sama og helsta orsök nýrnasjúkdóma- því þeir leiða ekki alltaf til lokastigsnýrnabilunar)

  1. Nýrnaæðasjúkdómar (háþrýstingur) 31%
  2. Gauklasjúkdómar 24%
  3. Millivefsbólga –(lyf, steinar ofl) 14%
  4. Sykursýki 12%
  5. Blöðrunýrnasjúkdómur 6%
  6. Aðrir sjúkdómar

Þessar prósentutölur eru byggðar á tiltölulega fáum einstaklingum (49), en gefur góða hugmynd um stöðuna.

Alþjóðlegi Nýrnadagurinn er 11. mars

Nýrnafélagið vill vekja athygli í tilefni hans að ómeðhöndlaður hár blóðþrýstingur er ein algengasta orsök nýrnabilunar á lokastigi.

COVID bóluefnið og nýrnasjúkir

Runólfur Pálsson læknir skirfar:

Skiljanlega er uggur í fólki varðandi bólusetningu við COVID-19 þar sem þróun og innleiðing bóluefnisins hefur verið mjög hröð og óvissa um hvenær fólk geti átt kost á bólusetningunni. En það er í raun stórkostlegt að það skuli hafa tekist að þróa bóluefni á svo skömmum tíma og er sá árangur afsprengi vísindastarfs undanfarinna áratuga. Fram til þessa hefur ekkert bent til annars en að bóluefnið sé öruggt. Meiri reynsla af notkun bóluefnisins mun fást á næstu vikum og mun væntanlega varpa skýrara ljósi á öryggi þess.

Fólk með ígrætt nýra er aldrei þátttakendur í prófunum á nýju bóluefni. Þegar tekin er ákvörðun um að ráðleggja bólusetningu meðal nýraþega þá byggist hún á því að bóluefnið hafi reynst öruggt við prófanir á stórum hópum fólks auk þess sem horft er til jákvæðrar reynslu af öðrum bóluefnum hjá líffæraþegum. Vonandi verður hægt að veita nánari upplýsingar um bólusetningu einstaklinga með ígrætt nýra innan fárra vikna.

RP

Nýtt fréttabréf er komið út.

Fjórða tölublað fréttabréfs Nýrnafélagsins hefur litið dagsins ljós.

Meðal efnis er grein eftir Runólf Pálsson þar sem hann skrifar um COVID og nýrnasjúka. Sjá nánar hér á síðunni undir fréttabréf.

Hvatningarverðlaun til blóðskilunarteymis Sjúkrahúss Akureyrar

Blóðskilunarteymi Sjúkrahússins á Akureyri (SAk) hlaut hvatningarverðlaun sjúkrahússins fyrir árið 2019 sem afhent voru fimmtudaginn 17. september sl. Blóðskilunarteymið er svo sannarlega vel að þessum verðlaunum komið og óskar Nýrnafélagið starfsfólki blóðskilunarteymisins og sjúklingum þeirra til hamingju.

Þakkargjörðarhátíð, hlauparar heiðraðir.

Á morgunn þriðjudaginn 15. september verður vikuleg ganga Nýrnafélagsins kl.18.00 í Laugardalnum. Sérstakir gestir verða hlaupararnir sem tóku þátt í Styrktarhlaupi Nýrnafélagsins og söfnuðu áheitum fyrir félagið. Söfnunin gekk mjög vel og nú ætlar stjórn félagsins að heiðra og þakka hlaupahetjum félagsins fyrir. Allir velkomnir og nú gleðjumst við saman.

Hirðljósmyndari Nýrnafélagsins náðist á mynd

Ganga var á vegum Nýrnafélagsins í gær í Laugardalnum eins og alltaf á þriðjudögum. Hirðljósmyndari félagsins náðist núna á mynd. Hvort að honum er í nöp við reiðskjóta eins og sést á skiltinu skal ósagt látiðð🙂

Söfnun meðal hlaupara fyrir Nýrnafélagið

Margir ætla að hlaupa fyrir félagið á eigin vegum til að safna fyrir það. Söfnunin gengur vonum framar miðað við aðstæðurnar í þjóðfélaginu og vill stjórn félagsins senda þakkir til allra þeirra sem leggja hönd á plóginn. Heilsuhópur Nýrnafélagsins lætur sitt ekki eftir liggja og gengur á hverjum þriðjudegi eins og meðfylgjandi mynd sýnir bæði í sól og regni með 2 metra á milli.

Munum að hreyfing bætir mörg mein og styrkur Nýrnafélagsins er samstaða, sérstaklega á svona tímum.