Lög félagsins

1. gr.
Nafn félagsins

Nafn félagsins er Nýrnafélagið. Félagið er almannaheillafélag og starfar samkvæmt lögum nr.
110/2021. Félagið er aðili að Öryrkjabandalagi Íslands.
Heimili þess og varnarþing er í Reykjavík.

2. gr.
Tilgangur félagsins

Tilgangur félagsins fjármögnun og ráðstöfun fjármuna er að gæta hagsmuna þeirra sem
veikjast af nýrnasjúkdómum og aðstandenda þeirra.

Félagið nær tilgangi sínum með því:
Að veita þeim aðstoð sem veikjast af nýrnasjúkdómum.
Að halda uppi fræðslu um nýrnasjúkdóma og kjör þeirra sem haldnir eru þeim sjúkdómum.
Að fylgjast með og kynna nýjungar á sviði meðferðar sjúkdóma í nýrum.
Að halda uppi fræðslu um forvarnir til að koma í veg fyrir nýrnasjúkdóma eins og kostur er.
Að efla samstarf við lækna og hjúkrunarfræðinga og aðra þá sem láta sig varða heilbrigði og
velferð nýrnasjúkra.
Að bæta aðstöðu við skilun innanlands.
Að starfa í samvinnu við erlend félög nýrnasjúkra.

Tekjur félagsins eru:
1. Félagsgjöld
2. Opinberir styrkir
3. Styrkir frá Öryrkjabandalagi Íslands
4. Aðrir styrkir og framlög svo sem áheit og gjafir.
5. Ágóði af seldum varningi

Styrkjum og tekjum skal ráðstafað í tiltekin verkefni svo sem:
1. Rekstur á skrifstofu félagsins og greiðslur til sérfræðinga.
2. Útgáfa fræðsluefnis
3. Önnur verkefni vegna funda, námskeiða og fræðslu.

3. gr.
Félagar

Allir geta orðið félagar sem þess óska og hafa áhuga á að styrkja málstað félagsins.

4. gr.
Aðalfundur

Aðalfundur fer með æðsta vald í málefnum félagsins. Aðalfundur skal haldinn fyrir 15. maí ár
hvert og til hans skal boða skriflega með a.m.k. tveggja vikna fyrirvara. Fari fundur fram að
hluta eða alfarið um fjarfundarbúnað skal þess getið í fundarboði. Dagskrá skal fylgja
fundarboði. Aðalfundur er lögmætur ef löglega er til hans boðað. Rétt til fundarsetu og
kosninga hafa allir þeir félagar sem eru skuldlausir við Nýrnafélagið. Einfaldur meirihluti
mættra félagsmanna ræður úrslitum mála.
Fastir liðir á aðalfundi skulu vera:
Setning fundarins.
Kosning fundarstjóra og fundarritara.
Lestur fundargerðar síðasta aðalfundar.
Skýrsla stjórnar.
Ársreikningur félagsins skýrður og lagður fram til samþykktar.
Ársreikningur styrktarsjóðsins skýrður og lagður fram til samþykktar.
Skýrslur starfshópa.
Lagabreytingar.
Kosning stjórnar.
Kosning skoðunarmanns til eins árs.
Ákvörðun um félagsgjald.
Önnur mál.
Reikningsár félagsins er almanaksárið. Bókhalds- eða endurskoðunarfyrirtæki sér um
bókhald, launaútreikning ásamt gerð ársreiknings en jafnframt tilgreinir stjórn
trúnaðarmann og einn til vara sem fer yfir ársreikning og leggur hann síðan fyrir aðalfund.
Trúnaðarmaður er félagi í Nýrnafélaginu en má ekki sitja í stjórn.
Félagsgjald er innheimt við inngöngu í félagið og síðan árlega eftir aðalfund.
Lögum þessum má breyta á aðalfundi. Til þess þarf tvo þriðju hluta greiddra atkvæða.
Tillögur til lagabreytinga skulu berast stjórn félagsins fyrir lok febrúar og skulu þær fylgja
aðalfundarboði. Aldrei má breyta lögum þessum þannig að raskað sé megintilgangi félagsins.

5. gr.
Stjórn félagsins

Allir skuldlausir félagar við Nýrnafélagið sem eru lögráða geta boðið sig fram í stjórn.
Stjórn félagsins skipa fimm einstaklingar og tveir til vara. Formaður skal kosinn
sérstaklega til tveggja ára í senn. Meðstjórnendur skulu kosnir til tveggja
ára. Varamenn skulu vera tveir og einnig kosnir til tveggja ára. Allir stjórnarliðar
geta boðið sig fram í þrjú kjörtímabil eða í sex ár.
Stjórnarmaður sem hefur setið í þrjú kjörtímabil getur boðið sig fram til formanns.
Ef að stjórn telur nauðsynlegt að stjórnarmaður eða formaður haldi áfram í stjórn eftir 3
kjörtímabil má stjórnin leggja fram undanþágu fyrir eitt kjörtímabil í viðbót fyrir aðalfund.
Aðalfundur verður að samþykkja það með ¾ greiddra atkvæða.
Á fyrsta stjórnarfundi eftir aðalfund kýs stjórnin varaformann, ritara, gjaldkera og
meðstjórnanda úr sínum hópi. Boða skal varamenn á stjórnarfundi og hafa þeir málfrelsi og
tillögurétt. Stjórnin er ályktunarhæf þegar minnst þrír eru mættir. Ef atkvæði falla jöfn
ræður atkvæði formanns.
Formaður getur boðað stjórnarfund hvenær sem hann telur henta. Halda skal minnst fjóra
stjórnarfundi á ári. Ritari færir fundargerð.
Prókúruhafar eru gjaldkeri og framkvæmdastjóri félagsins.
Firma ritar formaður félagsins.
Almennir félagsmenn geta farið fram á að haldinn verði félagsfundur telji þeir ástæðu til. Til
þess þarf a.m.k. 25 skuldlausa félagsmenn.

6. gr.
Starfshópar

Stjórn félagsins getur myndað starfshópa til þess að sinna ákveðnum verkefnum félagsins.
Einnig geta félagar sem hafa áhuga á sérstöku málefni félagsins myndað hóp til þess að vinna
að því. Hver hópur skal vinna náið með stjórn félagsins.

7. gr.
Fulltrúar tilnefndir til setu á aðalfundi eða í stjórnir annarra félaga

Stjórn félagsins tilnefnir framkvæmdastjóra eða stjórnarmann í stjórn Setursins.
Stjórn félagsins tilnefnir fulltrúa til setu á aðalfundi ÖBÍ í samræmi við lög og gildandi reglur
bandalagsins.

8. gr.
Slit félagsins

Til þess að leggja niður félagið þarf samþykki tveggja aðalfunda og skulu félagsslitin
samþykkt með tveimur þriðju hlutum greiddra atkvæða á hvorum fundi. Geta skal
sérstaklega áforms um félagsslit í fundarboði. Verði félaginu slitið skulu eignir þess ganga til
skilunardeildar Landspítalans.