Fréttabréf Nýrnafélagsins í apríl 2025

<!doctype html>


 

 

Nýrað

Fréttabréf Nýrnafélagsins í apríl 2025

 

Kæru félagar.
Apríl er mánuður aðalfundar Nýrnafélagsins.
Þar er árið gert upp bæði fjárhagslega og starfið sjálft eins og hvað hefur áunnist og hvað er hægt að gera betur.
Allir eru velkomnir á aðalfund og það væri gaman að fá ykkur kæru félagar sem flest til að heyra hvað ykkur finnst og hvað þið viljið að félagið geri.
Meðfylgjandi eru tillögur að lagabreytingum sem lagðar verða fyrir aðalfundinn þann 8. apríl.Innan félagsins hefur gönguhópur verið starfandi  en hann hefur verið í dvala núna seinni part vetrar. Við bíðum eftir áhugasömun félögum til að rífa hann af stað aftur þegar vorið er á næsta leiti.
Hópur sem hefur það hlutverk að vera með jafningjastuðning er mjög virkur en vantar alltaf fleiri félaga. Við leitum eftir nýragjöfum, nýrnasjúklingum, fólki í skilun eða hefur verið í skilun. Aðstandendum, ungu fólki með nýrnasjúkdóm, öllum sem hafa einhverja reynslu af þessum sjúkdómi. Nýrnasjúkdómur er langvinnur fjölskydusjúkdómur sem hefur áhrif á alla fjölskylduna.Slökunarhópurinn er líka virkur og vil ég hvetja alla til að ganga í hann. Sérstaklega skilunarsjúklinga því að þar er hægt að tileinka sér hluti sem koma sér vel meðan á skilun stendur og í náinni framtíð.
Svo er það barna- og fjölskylduhópurinn  og NýUng ungt fólk með nýrnasjúkdóm.
Af nógu er að taka og það er bara að taka ákvörðun um að ganga í hóp og auka virkni sína um leið.

Félag fólks með sykursýki og Nýrnafélagið hafa aukið samstarf sín á milli en margir eru haldnir báðum sjúkdómum. Nú geta þeir félagar sem sækja um hjá öðru hvoru félginu orðið félagi í báðum en borga bara eitt félagsgjald. Fyrsta skrefið í þessu samstarfi var að halda sameiginlegan fræðslufund á alþjóðalega nýrnadeginum, sem tókst mjög vel.

Guðrún Barbara Tryggvadóttir
ritstjóri fréttabréfs Nýrnafélagsins

Alþjóðlegi nýrnadagurinn var þann 13. mars síðastliðinn.

Nýrnafélagið hélt vel sóttan sameiginlegan fræðslufund með Diabetes Ísland á Hilton hóteli.

Hér eru nokkrar myndir frá fundinum

Á alþjólega nýrnadeginum var eftirfarandi grein birt í fjölmiðlum:

Þann 13. mars er alþjóðlegi nýrnadagurinn.
Þann dag mun Nýrnafélagið halda fræðslufund á Hilton hóteli með Félagi fólks með sykursýki
Sykursýki leiðir stundum til nýrnasjúkdóma og jafnvel nýrnabilunar og því er nauðsynlegt að þessi félög vinni saman að sameiginlegum markmiðum þeirra félaga sem haldnir eru báðum sjúkdómum.
Nýrnasjúkdómar geta leitt til nýrnabilunar sem er ólæknandi en hægt að halda niðri t.d. með  blóðhreinsun fyrir þá sem eru komnir á þetta stig og nýraígræðslu.
Því miður eiga ekki allir kost á nýraígræðslu og verða því að vera í skilun alla sína ævi. Blóðskilun er krefjandi meðferð þar sem sjúklingur þarf að vera tengdur við blóðskilunarvél þrisvar til fjórum sinnum í viku, allt að fjóra tíma í senn.
Einnig er boðið upp á kviðskilun, sem hægt að framkvæma á tvo vegu, annars vegar með pokaskiptingum nokkrum sinnum á dag eða með aðstoð vélar yfir nótt, en kviðskilun fer fram á heimili sjúklingsins.
Eins og áður sagði getur sykursýki leitt til nýrnasjúkdóma og er hún helsti orsakaþáttur nýrnabilunar í nágrannalöndum okkar, nema á Íslandi.
Hér á Íslandi er það of hár ómeðhöndlaður blóðþrýstingur.  Nýrnafélagið er búið að reyna að vekja athygli á þessu í mörg ár en samt er þetta enn að gerast. Fólk sem telur sig heilbrigt fer til læknis og lætur loksins kanna blóðþrýsting og þá kemur í ljós að það er með allt of háan blóðþrýsting og hefur verið  það um nokkurt skeið og nýrun eru  farin að gefa sig.
Þetta er staðreynd sem hægt er að koma í veg fyrir. Fólk verður að vera meðvitað um þetta og láta fylgjast með blóðþrýsting hjá sér, eða gera það sjálft. Mæling á blóðþrýsting tekur stuttan tíma en því miður er þessari mælingu of oft sleppt við læknisheimsóknir.
Það er ekki fyrr en að einstaklingur er kominn með minnkandi nýrnavirkni sem leiðir til nýrnabilunar að hann er kominn í eftirlit og vel fylgst með blóðþrýsting, en þá er það orðið of seint til að koma í veg fyrir sjúkdóminn.
Til að fækka þessum tilfellum þarf að beina athyglinni að blóðþrýsting, vera meðvituð um hversu það er alvarlegt ef að háþrýstingur er látinn viðgangast.
Það að mæla blóðþrýsting er forvörn sem nútíma læknisþjónusta þarf að fara að huga meira að. Ekki bara að lækna þegar sjúkdómurinn er kominn, heldur að koma í veg fyrir hann. Þetta er ekki bara forvörn fyrir nýrnabilun heldur svo marga aðra sjúkdóma  sem hægt væri að koma í veg fyrir eða að minnsta kosti að grípa inn í áður en að mikill skaði er skeður.
Þess vegna vil ég að lokum  koma með hugmynd fyrir þá sem stjórna heilsugæslunum að ráða einstaklinga til þess eins að taka blóðþrýsting áður en að fólk hitti lækninn sinn. Þá yrðu þeir peningar sem færu í þann launakostnað fljótt að borga sig upp með færri alvarlegum og ólæknandi sjúkdómum sem komið væri í veg fyrir.
Baráttumál Nýrnafélagsins er að nýrnabilun sem orsakast af of háum blóðþrýstingi heyri brátt sögunni til.
Guðrún Barbara Tryggvadóttir
framkvæmdastjóri Nýrnafélagsins

Á döfinni hjá Nýrnafélaginu:

8. apríl, aðalfundur Nýrnafélagsins í Mannréttindahúsinu kl. 18:00

www.facebook.com/nyrnafelagid/

www.nyra.is

Útgefandi: Nýrnafélagið, Sigtúni 42, 105 Reykjavík.
Ritstjóri: Guðrún Barbara Tryggvadóttir
Ábyrgðarmaður: Helga Jóhanna Hallgrímsdóttir
Sími: 5619244
nyra@nyra.is

Opnunartími:
Þriðjudagur og fimmtudagur kl.13:00-16:00
Svarað er í síma félagsins alla daga

Allur réttur áskilin © 2026 Nýrnafélagið, 
Þú færð þennan netpóst af því þú ert félagi í Nýrnafélaginu.

Nýrnafélagið

Sigtún 42

Reykjavík 105

Iceland

Add us to your address book

Þú getur skráð þig af póstlistanum hér.

Email Marketing Powered by Mailchimp