Félag nýrnasjúkra

AÐALFUNDUR ÖBÍ

Aðalfundur Öryrkjabandalags Íslands var haldinn 4. október 2008 á Grand hótel. Þrír fulltrúar sátu aðalfundinn fyrir hönd Félag nýrnasjúkra, þau Kristín Sæunnar og Sigurðardóttir fulltrúi félagsins í aðalstjórn bandalagsins; Hallgrímur Viktorsson varaformaður og Jórunn Sörensen formaður.

Eftirtaldir voru kjörnir til starfa í framkvæmdastjórn ÖBÍ:
Varaformaður – Guðmundur Magnússon, SEM-samtökunum
Ritari – Valgerður Ósk Auðunsdóttir, SPOEX – samtökum psoriasis og exemsjúklinga
Meðstjórnandi – Emil Thóroddsen, Gigtarfélagi Íslands
Gjaldkeri – Hjördís Anna Haraldsdóttir, Félagi heyrnarlausra
Varamenn: Grétar Pétur Geirsson, Sjálfsbjörg; Kristín Sæunnar og Sigurðardóttir, Félagi nýrnasjúkra og Guðrún Pétursdóttir, Umsjónarfélagi einhverfra.

Jórunn lagði tillögu fyrir fundinn þess efnis að ÖBÍ og Brynja hússjóður ÖBÍ hefðu íbúðir á leigu til skamms tíma fyrir fólk utan af landi sem þarf að leita sér lækninga í Reykjavík vegna alvarlegs nýrnasjúkdóms. Tillögunni var vísað til framkvæmdastjórnar. Lesið tillöguna með greinargerð hér

Á fundinum var samþykkt ályktun sem lesa má hér

Fulltrúar Félags nýrnasjúkra. Frá vinstri: Kristín Sæunnar og Sigurðardóttir fulltrúi félagsins í aðalstjórn ÖBÍ og varamaður í framkvæmdastjórn bandalagsins; Jórunn Sörensen formaður og Hallgrímur Viktorsson varaformaður.

Jórunn Sörensen formaður í ræðustól.